10 litlir negrastrákar

Ég fór í MM á laugarvegi á smábarnadeildina, til að skoða negrabókina .......

 

 

 

 

 

Skrítið að hvergi er minnst á höfundinn á kápu aðeins teiknarann.

    

Saurblaðið innheldur sérstæðan texta, Muggur leikur þar aðalhlutverk. (myndir má stækka með því að smella á þær) 

 

Annars er sagan um  hóp negra sem drepast einn og einn  vegna heimsku

 

Þessi borðaði kex

!

 

 

 

                                                                                                                             

      

 

Þessi söng yfir sig !?

 

 

 

Þetta er barnabók

endurútgefin

                                                                          

Fallegar teikningar   .......................góðar fyrir litlu börnin  ...fyrir svefninn                  

                                                                                                                                  

                        

 

 

 

 

 

 

 

Mig langar að vita ykkar álit er þetta tímaskekkja ?

eða ekki ?   

                                                                                                                                  

 

Athugasemdir

[Sunna Dóra Möller, 23.10.2007 kl. 17:04]

Veistu að mér finnst þessi bók einfaldlega hræðileg og myndi ekki lesa hana fyrir börnin mín !

[Jónína Sólborg Þórisdóttir, 23.10.2007 kl. 17:11]

Ef þetta er ekki barn síns tíma eins og hjúskaparlögin þá veit ég ekki hvað sko  

[Ragnhildur Jónsdóttir, 23.10.2007 kl. 17:46]

Sorry, mér finnst þetta eiginlega bara fyndið. Ég man að ég átti þessa bók og ég átti líka Litla svarta Sambó, meira að segja dúkkuna líka (á hana ennþá). Dúkkan var alltaf í miklu uppáhaldi hjá mér. Ég hef aldrei fundið fyrir fordómum gegn fólki sem hefur einhver annan húðlit frekar en annan háralit. Fer það ekki bara eftir því hvað við kennum börnunum? Ef það má ekki sýna neitt nema hvít norræn börn (heimsk og ekki heimsk) í okkar bókum, þá er það kannski bara enn verra?

[Róbert Björnsson, 23.10.2007 kl. 18:19]

Óskar og Ragnhildur:  Setjið ykkur í spor hörundsdökks barns í íslenskum leikskóla/barnaskóla (já merkilegt nokk, það eru til svört börn á íslandi) og ímyndið ykkur hvort þeim finnist þessi saga fyndin og skemmtileg? 

Sjáið þið virkilega ekkert rangt við svona niðurlægingu?  Það að bók sé gömul og hafi verið vinsæl í gamla daga þýðir ekki að hún sé klassísk!  Klassísk verk eru þau sem lifa í gegnum breytta tíðaranda án þess að tapa gildi sínu og erindi!  Hvaða erindi á þessi bók við börn í dag?  Hvað er sniðugt/gott við hana?  Hver eru skilaboðin?

Það eru léleg rök að segja að það megi ekki gera grín að neinu lengur... svona "grín" særir fólk!  Hver er tilgangurinn með því?

[Guðríður Haraldsdóttir, 23.10.2007 kl. 19:28]

Mér finnst þessi bók tímaskekkja. Heimurinn er kominn miklu nær okkur Íslendingum en þegar bókin kom fyrst út og í dag er hún einfaldlega móðgandi og særandi. 

[Hrafnhildur Ýr Vilbertsdóttir, 23.10.2007 kl. 20:10]

mér fannst þessi bók með eindæmum smekklaus þegar ég var barn, sú skoðun hefur ekkert breyst.

[Bjarki Þór Baldvinsson (IP-tala skráð) 23.10.2007 kl. 20:50]

Að sama skapi ætti að fara í það að endurnefna íslensku jólasveinanna. Þessar nafngiftir eru ótrúlega særandi fyrir fólkið úti á landi. Að halda því fram að fólk utanaf landi komi eingöngu í bæinn um hátíðir til að svala ránsgirndum og gægjuþörf er ekkert annað en landsbyggðar rasismi!

Og ef þetta á að vera glaðlegur hópur gefenda þá þarf hann nú fjandakornið að vera fjölbreyttur. Því þarf líka í anda pólitísks réttrúnaðar að bæta við jólasvein af öðrum kynþætti og af hinu kyninu.   

[Ingibjörg Friðriksdóttir, 23.10.2007 kl. 22:47]

Þetta kemur mannií gott skap, því að þetta söng maður við raust fyrir 50 árum eða svo.

Aldrei datt mér í hug þá að ég ætti eftir að eignast negrastrák fyrir tengdason.

og þrjú múlattabarnabörn.  Ég er heppin kona. 

[Kolgrima, 24.10.2007 kl. 00:10]

Mér þykir vænt um Mugg og myndirnar hans - en ég fer eiginlega hjá mér við að sjá þetta aftur. Mér fannst þetta líka hálfundarlegt þegar ég var lítil.

Það var fullt af svona söngvum og sögum, þar sem 10 lögðu af stað, einn af öðrum datt út þar til enginn var eftir. Fjölgaði síðan aftur og enduðu 10.

[Lárus Gabríel Guðmundsson, 24.10.2007 kl. 00:27]

Það væri óskandi að endurútgáfa svona sorps á almennan markað væri tímaskekkja en það er af og frá því okkar tímar ólga af innbyrðis spennu milli kynþátta. Það að bókaútgáfa endurútgefi bók af þessu tagi sannar það. Engu betra en dönsku asnarnir sem héldu að það væri ofsalega sniðugt að birta niðrandi myndir af Múhammeð. ULLABJAKK Á PAKKIÐ !

[Brynjar Jóhannsson, 24.10.2007 kl. 00:37]

Mér finnst ekkert athugavert við að birta þetta og kippi mér ekki upp við þessa sögu.Ég lít ekki á hana sem niðurlægingu við blökkumenn, miklu frekar sagnfræðilegan arf sem gaman væri að eiga.

[Ásdís Sigurðardóttir, 24.10.2007 kl. 00:58]

Ég á Litla svarta Sambó og les úr henni fyrir barnabörnin, þeim finnst hún skemmtileg og enginn rasismi í gangi í þeirra huga frekar en mínum. Bara bók um lítinn svartan strák. Við lesum líka Barnbapabba og hann vekur jafn mikla gleði og líka Lata stelpan og Palli var einn í heiminum. Ætli ég kaup samt nokkuð negrastrákana, fannst hún aldrei mjög skemmtileg en söng oft lagið um þá í skólanum heima í den, okkur var kennt það í söng.

[Kristín Dýrfjörð, 24.10.2007 kl. 01:05]

Það er eitt að þessi bók hafi komið út fyrir tugum ára og þótt tímamótaverk (meðal annars vegna þess að hér var ekki mikið um litprentaðar bækur fyrir börn) og annað að endurútgefa hana sem eitthvert sérstakt "listaverk" eða "menningarsöguleg" verðmæti.  Hún er að mínu mati hvorugt. Hér í sumar varð mikil umræða á vefnum um bannaðar barnabækur. Meðal annars um Tinna í Kongó og um hversvegna Sambó var bannaður í breskum skólum. Sjálf skrifaði ég lítillega um það hér og hér.  Ég tek undir með Róbert um þá niðurlægingu sem flest í þessari bók í samtímanum. Sannarlega vona ég að bóksalar sleppi því að hafa hana í frammi, það er eitt að gefa út, annað er ábyrgð bóksala um að auglýsa eða setja fram með sérstökum hætti jafn umdeilda og niðrandi bók.  Ef einhver leikskóli álpast til að kaupa þessa bók þá vona ég að hún verði eingöngu nýtt í kennslu um fordóma og staðalmyndir á starfsmannafundum.   

[Brynjar Jóhannsson, 24.10.2007 kl. 01:15]

Bryndís...

það er hugurinn á bak við orðið sem skiptir mestu máli.

Það er ekki eins og ég sé haldin kvenfyrilitningu ef ég segja karlrembubrandara og eða uppnefni konur kellingar...

þessi saga er gömul barna saga sem hefur ekkert með kynþátta hatur að gera. Ég sé ekkert athugvert við þessa sögu og svona hörundsárni er óþörf.. 

Svertingjar kalla hvorn annan sín á milli oft á tíðum negra.. og þetta er ekki ósvipað .. því það er ekki verið að tala við þá á niðurlægjandi hátt. 

[Kolgrima, 24.10.2007 kl. 02:01]

Þetta er gömul bók með myndir eftir þekktan listamann - merkur gripur í prentsögu þjóðarinnar. Það er örugglega þess vegna sem hún er endurútgefin og frábær til þeirra hluta sem Röggur nefnir í sinni athugasemd.

En það verður að hafa það í huga að þetta eru gamanmyndir við texta sem sunginn var við lag sem allir gátu lært og hafði meðal annars þann tilgang að kenna börnum að telja á skemmtilegan hátt. Sem líka er merkilegt.

Hinu má heldur ekki gleyma, að ekki voru margir þeldökkir menn hér á landi þegar bókin kom fyrst út. Ég efast um að orðið negrastrákur hafi þótt niðrandi á þeim tíma. Held að það hafi hreinlega ekki hvarflað að nokkrum manni, einmitt vegna þess að hér var ekki fólk sem gat samsamað sig með myndunum.

Ég átti fleiri svona bækur en hef ekki getað rifjað upp hvað þær hétu. Sumar enduðu þegar komið var niður í núll, aðrar ekki fyrr en þær voru komnar aftur upp í tíu. Mér fannst þær skömminni skárri. 

Það er allt of mikið úrval góðra og skemmtilegra bóka fyrir krakka til þess að Tíu litlir negrastrákar nái nokkrum vinsældum. Örlög þessarar sögu er að lenda ofan í kössum, rykfalla og gleymast. Og það er hið besta mál.

[Kristín Dýrfjörð, 24.10.2007 kl. 02:01]

Bryndís og þú mátt það og átt allan rétt til þess. Þær hugmyndir sem þarna eru settar fram eru lítillækkandi og meiðandi. Fólk ætti kannski að lesa þennan texta með opin augu, og setja á sig fordómagleraugun.

Hér er textinn (ég tók hann af vef eins leikskóla þar sem þetta er sungið sem jólalag, varð alveg steinhissa).

Negrastrákar

Negrastrákar fóru á rall,
þá voru þeir tíu,
einn drakk flösku af ólyfjan
en eftir urðu níu.

Níu litlir negrastrákar
fóru seint að hátta
einn þeirra svaf yfir sig
og þá voru eftir átta

Átta litlir negrastrákar
vöknuðu klukkan tvö.
Einn þeirra dó úr geyspum
en þá voru eftir sjö.

Sjö litlir negrastrákar
sátu og átu kex
einn þeirra át yfir sig
en þá voru eftir sex.

Sex litlir negrastrákar
sungu dimmalimm
einn þeirra sprakk á limminu
en þá voru eftir fimm.

Fimm litlir negrastrákar
héldu að þeir væru stórir
einn þeirra fékk á hann
en þá voru eftir fjórir.

Fjórir litlir negrastrákar
fóru að reka kýr
ein kýrin stangaði einn þeirra
en þá voru eftir þrír.

Þrír litlir negrastrákar
þorðu nú ekki meir
einn þeirra dó úr hræðslu
en þá voru eftir tveir.

Tveir litlir negrastrákar
þögðu nú eins og steinn
annar hann varð vitlaus
en þá var eftir einn

Einn lítill negrastrákur
sá hvar gekk ein dama
Hann gaf sig á tal við hana
og bað hennar með það sama

Negrastelpan sagði já
og svo fóru þau í bíó
ekki leið á löngu
uns þau urðu aftur tíu.

[Kolgrima, 24.10.2007 kl. 02:07]

Þetta var sungið þegar dansað var í kringum jólatréð þegar ég var krakki, Kristín Mikil gleði þegar þau urðu aftur tíu.

[Kolgrima, 24.10.2007 kl. 02:08]

Best að ég taki það fram að það var á jólatrésskemmtun, ekki heima hjá mér.

[Kristín Dýrfjörð, 24.10.2007 kl. 03:29]

Ég byrjaði að vinna í leikskóla 1978 og man ekki eftir þessu á neinum þeim stað sem ég hef unnið á í tengslum við jól. Man reyndar lítið til þess að þetta hafi yfirhöfuð verið sungið og hef satt að segja ekki saknað þess. Svo má líka velta fyrir sér hver boðskapurinn sé, t.d. um hversu fljótt þau verða aftur 10.  

[Georg P Sveinbjörnsson, 24.10.2007 kl. 05:23]

Álit höfundar á blökkumönnum og vitsmunum þeirra hrópar út í gegnum textann og hann lætur negrastrákana falla í allar lítilmótlegustu gildrurnar og drepast hvern á fætur öðrum vegna heimsku og dugleysis, en samt fjölga þeir sér jafnharðann aftur (eins og meindýr?). Rasisminn skín úr hverri línu þótt lymskulega sé hann fram settur.

[Oddgeir Ágúst Ottesen (IP-tala skráð) 24.10.2007 kl. 05:31]

Þetta er mjög gömul visa sem ætti helst að vera gleymd.  Auðvitað er þessi bók ekki menningararfur sem á að varðveita.   Ég held að bæði lag og texti séu erlend.  Mennirnir breytast og tungumálið með.  Orðið negri er first og fremst úrelt orð og lýsir mest fáfræði þess sem það notar.  Þetta er mjög gömul visa (a.m.k. erlenda útgáfan) og ég er nokkuð viss um að hún hefði ekki náð vinsældum í evrópu ef hún hefði fjallað um 10 hvíta stráka sem týndu lífinu hver á eftir öðrum á einhvern kjánalegan hátt.  Þurfum við virkilega að láta krakka syngja þennan ósóma?  Ég læt  frumtextann fylgja með hér að neðan.  Íslenski ósóminn endar að vísu öðruvísi en er samt álíka ósmekklegur og vitlaus.  Ég mun ekki einu sinni stíga inn í bókabúð sem selur svona lagað.  Það stefnir ef til vill í bókalaus jól hjá mér! 

 

 Ten Little Niggers

 

Ten little nigger boys went out to dine;

One choked his little self and then there were Nine.

Nine little nigger boys sat up very late;

One overslept himself and then there were Eight.

Eight little nigger boys travelling in Devon;

One said he'd stay there and then there were Seven.

Seven little nigger boys chopping up sticks;

One chopped himself in halves and then there were Six.

Six little nigger boys playing with a hive;

A bumble bee stung one and then there were Five.

Five little nigger boys going in for law;

One got into Chancery and then there were Four.

Four little nigger boys going out to sea;

A red herring swallowed one and then there were Three.

Three little nigger boys walking in the Zoo;

A big bear hugged one and then there were Two.

Two little nigger boys sitting in the sun;

One got frizzled up and then there was One.

One little nigger boy left all alone;

He went out and hanged himself and then there were None.

 

  

[Íslands-Bersi, 24.10.2007 kl. 06:22]

Bönnum Hafnafjarðar brandara það gætu svo margir orðið vondir en, Hvítur maður kristinn gagnkynhneigður veiðileyfi á hann hann er hvor sem er fyrir bullinu

[Gísli Kristjánsson, 24.10.2007 kl. 06:54]

 Hvernig væri að breyta málfari eða bara banna Íslendinga sögurnar, allar bækur Halldórs Laxnes, og öllum hinum bókunum sem hinir og þessir segja að séu slæmar eða barn síns tíma.

 Eða hreinlega bara lög um ritskoðun !  Þetta er jafnfáránlegt og hjónaband samkynhneigðra. Forræðishyggjan í fyrirrúmi

[Hrafnhildur Ýr Vilbertsdóttir, 24.10.2007 kl. 07:55]

Mátti til með að segja ykkur frá því að ég horfði á south Park sem hann Baldur Heiðar ( hérna fyrir ofan mig)  benti á, endilega horfið á hann. 

[Fríða Eyland, 24.10.2007 kl. 08:15]

Ég var að tala um barnabók!. Þó að Muggur hafi skilið eftir sig fallegar myndir tel ég þessar illa gerðar, ljótar og ekkert merkilegar rétt eins og fólk skrifar stundum snilld og stundum ekki. Óþarfa snobb og heimska, tel ég það vera þegar að allt sem einhver teiknaði sé frábært aðeins vegna þess að eitthvað gott kom frá viðkomandi. Allavega þetta er barnabók og á landinu eru nokkur börn sem eru lituð, hvernig fer þetta í þau? Það var það sem ég var að hugsa um......börnin sem eru kölluð negraskítur og annað í þeim anda

[krossgata, 24.10.2007 kl. 10:13]

Ég held að landinn sé algerlega að týna sér í "pólitískri rétthugsun".  Það er orðið vandlifað í þessum heimi og getur fólk vart snúið sér við því það er mest upptekið við hvort það stígi rétt niður.  Það minnir mig hreinlega á þýskalands nasimsans orðið þegar allt ríkinu vanþóknalegt var brennt eða kommúnisma sovétríkjanna með það sama.

Ég tel að það sé svo sem engin ætlun að gera lítið úr einum eða neinum og má vísa til ágætra skrifa Kolgrímu hér að ofan.  Þetta er ein af þessum bull þulum sem kenna börnum að telja.  Hér ekki um stórkostlegan kveðskap að ræða og ekkert að halda í þannig lagað.  Allir listamenn eiga misgóð verk og teikningarnar finnst mér ekkert stórverk, en það er smekksatriði og verður hver að svara fyrir sig. 

Þegar upp er staðið finnst mér þarna verk sem er ekkert sérlega merkilegt og satt best að segja ekki nægilega merkilegt til að gera stórmál úr.  Fólk getur valið að sniðganga bókina eða kaupa hana, allt eftir smekk.  Flestir hérna virðast hafa lesið hana eða sungið þuluna sem börn og borið lítinn skaða af og ekki virðist blússandi rasisminn í svörum fólks.  Af hverju ætti hún að skaða frekar í dag?  Það væri þá bara fyrir það með hvaða formerkjum hún væri "matreidd" ofan í krakkana.

[Jenný Anna Baldursdóttir, 24.10.2007 kl. 11:48]

Bloggaði um sama.   10 little niggerboys er augljóslega tímaskekkja.

[Kolgrima, 24.10.2007 kl. 12:10]

Bryndís, þetta var jólatrésskemmtun, og þegar þau urðu aftur 10, var eins og þeir hefðu allir lifnað við. Þannig skildum við það þá! Ég er ekki að verja þessa bók, fyrirgefðu, var að kommenta á það sem Kristín sagði um að þetta hefði verið sett inn sem jólalag á leikskóla. Þetta lag var sungið á jólatrésskemmtunum ekki fyrir neitt óralöngu.

Las af einni myndinni hennar Fríðu að þessi bók hefði ekki verið gefin út í 30 ár.  Það er ástæða fyrir því. Mín vegna mætti hún hafa fallið algerlega í gleymskunnar dá.

[ADOLF (IP-tala skráð) 24.10.2007 kl. 12:29]

Nasistarnir bönuðu bókina um Selinn Snorra ég hef aldrei getað sætt mig við það nú ætlið þið fá tíu negra stráka bannað þið er þá algjörir nasistar rasistar afturhald og kjánar kv ADOLF hin vell lesni

[Fríða Eyland, 24.10.2007 kl. 12:38]

Baldur ég hef ekki haft tíma til að kíkja á SP þáttinn en ætla að gera það. Þú talar um að þessi saga sé góð til að kenna krökkum að telja..... dáldið langsótt...engar tölur...eru ekki puttarnir bertri ? þeir hverfa nú ekki bara einn og einn í þessari sögu og myndirnar tala sínu máli. Barnabækur eru ekki myndskreyttar á þennan hátt í dag....ég meina venjulega er barnaefni vingjarnlegt þessar myndir eru það ekki. Annars veit ég að of mikil tilfinningarsemi getur veikt málstað, það er þekkt.

Kolgríma, ég persónulega lít ekki á þessa bók sem menningarverðmæti, það er ekkert annað en fáránlegt snopp að telja þessar myndir slíkar, hver sem er getur teiknað þessar myndir, þær eru ekkert merkilegar.

Brilli, þú ert skrítinn fugl, ef þú átt unga þá efast ég um að þetta sé bókin sem þú mundir velja handa honum. 

[Kolgrima, 24.10.2007 kl. 13:04]

Ég lít ekki á þessa bók sem menningarverðmæti, Fríða, þótt hún sé merkileg í prentsögunni - verandi fyrsta barnabókin í lit. Alls ekki. Hún er samt merkileg heimild frá 20. öld um svona eitt og annað, þótt hún eigi ekki heima í bókahillum barna enda þekkja til dæmis börnin mín ekki þessa sögu. Ekki frá vinum sínum, leikskóla eða grunnskóla. Og hreint ekki frá mér.

Það sem ég var að meina var að ég teldi að Tíu litlir negrastrákar hefðu verið gefnir út af því að myndirnar eru eftri Mugg og aðeins þess vegna. Og kannski eilítið í þeirri von að afar og ömmur keyptu hana til að kynna barnabörnin sín fyrir gömlum vinum. En ég held að sölutölur komi til með að sýna að þar veðjaði bókaútgáfan á rangan hest.

[Brynjar Jóhannsson, 24.10.2007 kl. 14:52]

Sæl... Bryndís..

Ég skil reiði þína mæta vel enda líkar mér ekki kynþáttahatur sjálfur. Ég ber fulla virðingu fyrir skoðunum þínum þó svo að ég sé á öðru máli. Ég lít á þetta rit  öðrum augum enn þú og tel ekki ástæðu að pirrast. Bókin gefur áhveðið innríni inn í liðin tíðaranda og er sagnfræðilegur arfur sem einmitt fólk sem er gegn fordómum getur notað sem rök fyrir máli sínu. Því hefði verið óhæfa að breita letrinu,því þá væri verið að endurskrifa sagnfræðilegar heimildir. Þessa saga minnir mig á gömlu húsmæðrabækunar sem virkilega fyndið er að lesa núna í dag. Einnig er hún ekki ósvipuð og barnabók sem móðir mín las í barnaskóla en þar stóð t.d að stokksönd sé fegursta önd á íslandi.  

En ekki misskilja mig... Ég skil algjörlega þín sjónarmið og liti öðrum augum ef bókin væri skrifuð í dag. 

[Guðrún Sæmundsdóttir, 24.10.2007 kl. 15:05]

Sem betur fer hefur margt breyst til hins betra á undanförnum áratugum. Elsti bróðir minn er þroskaheftur og fordómarnir og viðbjóðurinn sem ríkti í samfélaginu á þeim tíma er hann var að alast upp var algjör andstyggð.

mér brá satt að segja þegar að sagt var frá því í fréttum að þessi negrasaga hefði verið endurútgefin, vonandi kaupir hana enginn, ekkert barn á að þurfa að eiga það á hættu að vera kallað negri. Burt með þennan rasisma

En við sem erum á móti þessari bók getum farið í smá hernað, þar sem hún fæst getum við sett hana undir hinar bækurnar, semsagt falið hana!!

Þá drögum við úr sölu á þessu ógeði, en haldið  þið að ég verði ekki kærð fyrir að hvetja til svona aðgerða? 

[Brynjar Jóhannsson, 24.10.2007 kl. 15:26]

FRÍÐA EYLAND ?????

 PIFF OG AFTUR PIFF...

Er ég skrítin fugl ? 

sækjast sér um líkir, segi ég nú bara.

[Guðrún Sæmundsdóttir, 24.10.2007 kl. 19:26]

Takk Bryndís ég stend með þér og þinni fjölskyldu

[Gísli Már Gíslason (IP-tala skráð) 24.10.2007 kl. 21:08]

Bryndís,

þú sístagast á hræðilegri reynslu ykkar ungu hjónanna. Ekki ætla ég að gera lítið úr henni. En hvað hefur hún að gera með þessa bók? Bentu okkur á texta í þessari bók sem er særandi fyrir blökkumenn. Eru ekki til heimskir blökkumenn eins og hvítir menn? Hvað er svona neikvætt við orðið "negri"? Ekkert í mínum huga. Enska orðið "nigger" skilst mér að hafi niðrandi merkingu, en það gildir ekki um íslenska orðið "negri" og ekki heldur um þýska orðið "Neger" ef út í það er farið. Og myndirnar eru ekkert ljótar að mínu mati. - Og hana nú!

[MrBeen (IP-tala skráð) 25.10.2007 kl. 00:31]

Ég man að ég lærði að telja upp á 10 með því að syngja þetta lag aftur og aftur með ömmu minni. Ég man líka að þá hafði ég aldrei séð "negra". Negri var eina orðið sem ég kunni um það sem ég er eignlega ekki viss hvað ég á að kalla lengur, svertingja eða blökkumann eða afríkuútlítandi menn.

Ég var búin að lifa í nokkur ár og farin að muna vel eftir mér þegar ég sé svartann mann í fyrsta skipti og ég sagði að hann væri negri og sá ekkert athugavert við það. Svo var ég alveg ólmur í að vingast við hann þar mér þótti soldið spennandi að eiga vin frá útlöndum. Svo fór ég og sagði öllum frá negranum sem ég var að kynnast, ég man að sumir settu upp skrítinn svip og sumir hlógu að orðinu en ég skildi ekkert í því.

Það var ekki fyrr en ég var svona 9 ára og ætlaði að vingast við annan negra og einhverstaðar í ferlinu kallaði ég hann negra og var næstum laminn fyrir að ég fór að átta mig á að þetta gæti verið slæmt orð. Það var ekki fyrr en ég var unglingur og útlendingar(litaðir) fóru að koma að eitthverju ráði til landsins að ég heyrði fyrst afhverju þetta var svona slæmt orð. Það var akkúrat umræða eins og þessi sem fékk mig til að halda að þetta orð væri svona slæmt.

Það erum við sem tengjum neikvæða hluti við orðið, sú túlkun sem við höfum er lærð og þessvegna skil ég ekki afhverju þetta orð þarf alltaf að hafa slæma merkingu ef það væri hægt að kenna okkur annað. 

Kannski eigum við bara að skipta út orðinu negrar fyrir hafnfirðingar í laginu, ég hefði lært að telja alveg jafn fljótt ef ég hefði sungið hafnfirðingur í staðin fyrir negra og kannski ætti ég þá fullt af hafnfirðingavinum í dag

[MrBeen (IP-tala skráð) 25.10.2007 kl. 00:47]

Svo langar mig að bæta við að mér þótti litli svarti sambó frekar cool, svona svartur á litinn og bjó í Afríku hjá öllum dýrunum. Og ef ég man rétt þá var hann klókur, hann reddaði málunum í endan með tígrisdýrið eða er svona langt síðan ég las bókina ? Þarf að benda mér á hvað er svona slæmt við Sambó ? það er ekki slæmt að vera svartu er það ? 

[Fríða Eyland, 25.10.2007 kl. 01:41]

Baldur ég var að skoða SP þáttinn hann er góður, ég skil þitt sjónarmið og þekki sögu orðsins fáviti.....held að þroskaskertir sé notað í dag.

Brindís, Það var einfaldlega þannig að þegar ég rak augun í þessa bók....hvar henni var stillt upp sem fór fyrir brjóstið á mér. Þessi umrædda bók er ekki fyrir börn, frekar en ýmislegt annað til dæmis slagsmálaleikir, hún er meira svona fullorðins fyrir safnara og þannig fólk.

[Ólafur fannberg, 25.10.2007 kl. 02:11]

tímaskekkja

[krossgata, 25.10.2007 kl. 10:37]

Þroskaskertir er orðskrípi - finnst mér.  Mig minnir reyndar að notað sé "fólk með fötlun" í dag.

Orðið negri hefur aldrei verið ljótt í mínum huga og sló það mig þegar ég tók eftir því um daginn að fólk virðist líta á það sem ljótt og niðurlægjandi orð.  Einhver sagði að það væri vegna þess að á tímabili hefði rasistahópur notað það í skrifum sínum.  Í sjálfu sér finnst mér það ekki gera orðið ljótara.  Staðreyndin er sú að það voru þá skoðanir rasistanna sem voru ljótar, en ekki orðið. 

Ég tel að það sé blanda af tvennu sem gerir að fólki finnst orðið svo slæmt:  1.  Notkun rasista á orðinu og 2. fólk yfirfærir merkingu enska orðsins nigger yfir á íslenska orðið negri.  Ég verð að segja að ég er fúl yfir að fólk láti rasista og menningu annarra þjóða ræna okkur annars ágætum orðum.

[Bjöggi (IP-tala skráð) 25.10.2007 kl. 13:47]

Nákvæmlega, það er notkun rassista á orðinu negri sem hefur gert það að jafn slæmu orði og það er. Við getur breytt því hvað þessi orð merka fyrir okkur ef við viljum og þar með breytt sögunni. Afhverju þurfa hlutirnir alltaf að vera eins?

Veit að einusinni mátti kalla útlendinga ímsum nöfnum í UK en það var bannað að blóta. Það er segja orð eins og fuck. Í dag er algerlega bannað að hafa uppi eiithver orð um útlendinga en það mega allir blóta eins og þeim sýnist.

Ef að við, ég og þú tengjum orðið við rasisma og segjum öðrum að gera það þá erum við að búa til ljótt orð. Við komum ekkert í veg fyrir rasisma með því að banna eitt orð, við hjálpum honum frekar að þrýfast af því að þá erum við búin að skilgreina orð fyrir rasista til að nota.

Orðið Quer í New Yourk þótti eitt mest niðrandi orð um homma sem hægt var að hugsa sér. Hommar í NY snéru merkingunni við og núna segja þeir I´m Quer and I´m proud of it.

Mér finnst ekki að við ættum að lyfa í forrtíðinni heldur skapa framtíðina. En það er bara mín skoðun 

[MrBeen (IP-tala skráð) 25.10.2007 kl. 13:58]

Reyndar finnst mér orðið negri ekki vera það slæmt, svona eitt og sér. En sú merking sem að fólk leggur í orðið finnst mér vera slæm.

Orð eru svona eins og listaverk, fólk túlkar þau eins og þeim sýnist, ef eimhver segir að það sé ljót er líklegt að einhver api það upp eftir honum og túlki orðið á sama hátt. Sömu orð þýða heldur ekki alltaf það sama, það eru til orð eins og bjáni sem fólk út um allt land túlkar á mismunandi vegu(eða gerði það). Sumir segja að bjáni sé langvaxin maður en sumir heimskur maður en sumir leiðnlegur maður. Þarna eru 2 slæmar merkingar og einn frekar hlutlaus á sama orðinu á sama landinu á sama tíma. Orð hafa bara þá merkingu sem við leggjum í þau.

[Haukurinn, 25.10.2007 kl. 14:37]

Það er greinilegt þegar maður les í gegnum þær athugasemdir sem fólk hefur sett fram í tengslum við umræðuna um þetta efni að hér er um hitamál að ræða. Sú aldagamla umræða um skoðanafrelsi og ritskoðun birtist hér ljóslifandi, sem sýnir að efalaust verður aldrei úr henni skorið að öllu leyti.

Málið snýst einnig um það hversu grunnt er á xenófóbíu Íslendinga. Hvort sem fólk er svart, gult eða pólskt þá lenda erlendir einstaklingar einatt í allskyns mótlæti og dónaskap í samskiptum sínum við hina yfirgnæfandi hvítu íslensku þjóð. Held það sé einnig svoldið yfirlætisfullt og barnalegt fyrir hvítt fólk að ræða um rasisma - það virkar svoldið eins og að hlusta á karlmenn ræða fæðingar.

Varðandi pólítíska rétthugsun. þá finnst mér margir hafa rétt fyrir sér í því að við verðum að passa okkur aðeins sem samfélag svo að við missum okkur ekki algerlega í orðhreinsun. Orð geta sært, en ekki jafn mikið og sú hugsun sem liggur að baki. Mín skoðun er sú að orðið 'negri' hafi upprunalega haft nokkurn veginn sömu stöðu og orðið 'hommi'. Bæði geta verið notuð í neikvæðum skilningi, þó svo þau hafi í upphafi eingöngu verið ætluð sem lýsingarorð á karaktereinkennum. Varðandi það sjónarmið að ekkert sé að því að nota orðið 'negri' um svart fólk, þá myndi ég gera ráð fyrir að það myndi valda sömu viðbrögðum og orðið 'júði' um gyðinga. Ég held að sjálfur myndi ég ekki nota orðið 'negri' um svart fólk - heldur hallast ég að orðunum blökkumaður eða blámaður.

Persónulega finnst mér þessi bók og þær vísur sem henni eru tengdar mjög svo ósmekklegar og myndi ég reyna eftir fremsta megni að halda henni frá eigin börnum.

[Kristján Birnir (IP-tala skráð) 25.10.2007 kl. 19:40]

Ég sé perónulega ekkert athugavert við þessa bók þetta er nú bara ósköp svipað og gömlu klassísku teiknimyndirnar sem eimmit gera út á þetta og eru frá fyrirtækjum á borð við M.G.M og Warner Bros.

[Margrét St Hafsteinsdóttir, 25.10.2007 kl. 21:26]

Það eru margar af þessum gömlu sögum afar skrítnar og fullar af grimmd. Hans og Gréta, Rauðhetta, Mjallhvít, Þyrnirós etc. Stjúpmæður eru vondar í þeim sögum.

Ég söng lagið um 10 litla negrastráka þegar ég var krakki og fannst það alltaf frekar skrítið svo ég gerði ekki mikið af því. 

[Ari Guðmar Hallgrímsson, 26.10.2007 kl. 15:46]

Það fjasa allir um hvað orðið Negri sé niðrandi en það virðist samt enginn vita hvað það merkir í raun og veru,það er einfaldlega svartur maður,en sumt fólk þarf alltaf finna aðra merkingu en textarnir segja til um og það er svo sannarlega gert í þessum umræðum.Væri ekki ráð að hægja aðeins á sér í umræðunni og skýra mál sitt, og þá með öðru en allt að því óprenthæfum fullyrðingum,sem virðist vera nóg af en minna af rökum.

[jonas (IP-tala skráð) 26.10.2007 kl. 23:37]

Það er greinilegt að þeir sem standa að endurútgáfu þessarar bókar hafa aldrei lent í einelti.  það er það eina sem ég get sagt .

Bókin er sóðaleg og á ekkert erindi við nokkurn mann, hvað þá börn.. 

Gefum bara út barnaútgáfu af Mein Kampf  er það ekki bara næsta skref???

[Agný, 27.10.2007 kl. 20:42]

Ég held að engum hafi fundist neitt athugavert við þessa þulu fyrr en eftir var farið að tala um hana á  neikvæðum nótum. En það eru kanski ekki margar svona þulur þar sem hinn hvíti kynstofn er tekinn fyrir svona..

Er þá ekki bara málið að breyta "svartir" yfir í "hvítir"...

Eða hafa þuluna 10 svartir/hvítir strákar ... Þá er ekki verið að halla á hvorugan kynþáttinn...

[Elías Halldór Ágústsson, 30.10.2007 kl. 06:17]

Fólk virðist ekki átta sig á um hvað umræðan snýst. Ég legg til að fólk kíki á þessa grein hér: http://blog.central.is/gautieggertsson?page=comments&id=3363126

[Jennifer (IP-tala skráð) 4.11.2007 kl. 04:56]

I think this piece of PAST Icelandic culture/literature is best left for discussion and debate by mature minds. These are not appropriate words, pictures and thoughts for children of today. Let's not further perpetuate racism by feeding it to our children.

If you like the book, great, buy it, read it, keep it, sleep with it under your pillow but at least have enough respect to allow a child's mind to grow up into a responsible thinking person before allowing them to be subjected to such ideology. This book is not for kids and those who allow their children to see these images are wronging their own off-spring.

Remember, the word NEGRO is just one step sideways from the word NIGGER; it's comparable to wearing the white robe but just having the hood down. Same shit, different pile.