DV segir fréttir í dag og ekki fréttir.

en hvaða fjölmiðill landsins gerir það nú ekki.?

Fréttir af stríði framsóknar tengdadóttur og Össurar bera hæst í Dv. Fréttir af stríðinu við fíkniefnaneytendur, lögreglan hvetur lækna til að kæra hótanir ridalin fíkla, viðtal við landlækni  Matthías Halldórsson ... Eru fréttir fréttablaðsins í dag..ef ekki væru bakþankaritara nokkrir og einstaka pistlar færi nú lítið fyrir fréttum í Fr.bl. 

Snillinn  
Þráinn Bertelsson er með gott innlegg á baksíðu Fr.b í dag með sitt sandkorn eða möl eða var það hnullungur, stelst til að stela greininni í heild sinni, enda snertir hún mig persónulega.

Bakþankar Þráins Bertelssonar 

 Í þróuðum löndum ríkir pólitískur stöðugleiki vegna þess að almenningur hefur lært að láta stjórnmálamenn í friði og skiptir sér ekki af því sem þeir taka sér fyrir hendur. Stöðugleiki merkir „óbreytt ástand án framfara“ og byggist á gagnkvæmu samkomulagi um að hvor aðili um sig láti hinn njóta vinnufriðar. Hlutverk almennings í nútímaþjóðfélagi er að borga skatta en hlutverk stjórnmálamanna er að hafa vit fyrir fólki. MEÐAN ALMÚGINN sinnir vinnu- og neysluskyldu sinni án þess að mögla telja stjórnmálamenn ekki nauðsynlegt að setja strangar reglur um hvernig fólk hegðar sér þegar það er ekki á vinnustað sínum. Þetta fyrirkomulag er stundum kallað „frelsi“ og tryggir almenningi margvísleg réttindi, svo sem að velja milli þriggja tegunda af stjórnmálaflokkum á fjögurra ára fresti. Tegundirnar sem í boði eru heita „hægri, vinstri og miðja“ og samsvara hinum vinsælu bragðtegundum „súkkulaði, jarðarberja og vanillu“. ALMENNINGI sem í daglegu tali er nefndur „skríll“ er í stórum dráttum heimilt að hegða sér að vild heima hjá sér og getur valið um fjölda sjónvarpsrása eða bölsótast nafnlaus á internetinu. Einu sinni á ári, fyrsta maí, er skrílnum heimilt að mála slagorð á skilti og fara í hópgöngu með lúðrasveit niður Laugaveginn. Fyrir daga raunveruleikaþátta í sjónvarpi var þetta býsna vinsælt en nú er svo komið að flestir gera sér ljóst að fyrirhafnarminna er að fylgjast með lífi annarra en að lifa sínu eigin. ÞEGAR ALMENNINGUR er með hávaða og læti er talað um „skrílslæti“. Skrílslæti eru heimiluð á íþróttaleikjum og skemmtistöðum og einnig á útisamkomum fyrstu helgina í ágúst. Fyrir utan að vera gagnslaus og ósmekkleg eru skrílslæti hættuleg lýðræðinu og hneykslanleg framkoma almennings í Ráðhúsinu núna í vikunni sýnir hversu aðkallandi það er að kaupa hingað nokkra gáma af taser-byssum. Leiðtogar almennings í Ráðhúsinu eiga rétt á að fá að vera í næði fyrir borgarbúum. Ráðhúsið er þeirra náðhús. (Náðhús er staður þar sem fólk á heimtingu á að vera í friði með allt niðrum sig). 

Já það er mikið að gerast, ekki síst hjá valdstjórninni og veðurguðunum, glitský og hvað eina.

Landið og heimurinn allur er á ekki á
krossgötum heldur mislægum gatnamótum, .

Ég  verð oft uppvís að því að ég farin hneykslast á heimskulegum fréttum og sjálfri mér að lesandi þær, fréttir um ekki neitt en það hefur oft komið fyrir mig

En þegar mötunin er svo mikil og stjörnudýrkunin að börn landsins standa í röðum til að fá eiginhandaráritanir þula og fjölmiðlamanna get ég ekki orða bundist . 

Hvert stefnir þessi þjóð hugsa ég, er verið að búa til stjörnur, hvernig stjörnur ? Hvað er að þegar fólk sem ekkert hefur að seigja er endalaust í viðtölum í blöðunum.

Ég skil ekki hvað okkur kemur daglega líf þessa hóps við, væri ekki betra að vera laus við að vita hvort þula fari í líkamsrækt eða sund, hvort fréttamenn borði skötu eða drekki pepsí ...

Og til fróðleiks um taser byssur læt ég fljóta með myndskeið af notkun þeirra á almenning

Og annað af manni sem ekki spurði rangra spurninga.

Er það þetta sem við viljum hér ?

Ef ekki þá er undirskrifatalistinn gegn taser byssum að finna hér

Athugasemdir

[Fríða Eyland, 28.1.2008 kl. 14:27]

Á sunnudaginn 3. febrúar kl:15 á kaffi París.

[Halla Rut , 28.1.2008 kl. 19:00]

Hæ Fríða

Skemmtileg færsla hjá þér..... 

[Brynjar Jóhannsson, 28.1.2008 kl. 20:52]

Já ég vill ekki sjá löggunar fá svona leikfang... það yrði hneiksli

[Ásdís Sigurðardóttir, 28.1.2008 kl. 22:30]

Hæ skvís.  Skemmtileg færsla og flott myndin af mislitum vegi.

[Hrafnhildur Ýr Vilbertsdóttir, 29.1.2008 kl. 00:22]

Hæ Fríða, var að lesa komment frá þér......missti ég af einhverju?????? Er konan að flytja? Hvert? Hvað? Hvur? Á ég þá ekkert eftir að hitta þig? Segja frá....plís.

Annars góð færsla hjá þér...og Þránni 

[Fríða Eyland, 29.1.2008 kl. 00:56]

Halla hæ.

Brynjar varstu búinn að sjá þessa löggu með leikfangið sitt. 

Ásdís ég þakka hólið, nú fer að styttast í grillið ?

Nei Hrafnhildur ég er bara að senda einn 40 feta til útlanda að búa í haginn fyrir framtíðina (vonandi næsta haust) maður er farin að eldast og gott að komast úr kuldanum annað veifið... 

[Gísli Hjálmar , 29.1.2008 kl. 11:18]

Góður ...

[Edda Agnarsdóttir, 29.1.2008 kl. 20:20]

Æ þetta er hryllingur, sko myndirnar. En pistillinn hans Þráins er góður.

[Georg P Sveinbjörnsson, 30.1.2008 kl. 00:36]

Þráinn er snilldin ein í hvert skipti sem hann opnar munninn eða stingur niður penna, hefur einstakt lag á að afhjúpa nekt keisarans með hárbeittu háði.

Engar andsko.... rafbyssur og ég hvet alla til að skrifa sig á mótmælalistann gegn þessum skaðræðistólum.

[Fatou , 5.2.2008 kl. 19:17]

god faersla ad vanda.... og falleg mynd sem thu ert med af veginum... tokstu hana sjalf;)

[Fríða Eyland, 5.2.2008 kl. 22:57]

Já hann er engum líkur hann Þráinn Bertelsson, sem hefur einstakt lag á að afhjúpa nekt keisarans með hárbeittu háði. Georg þú hittir naglann á höfuðið nú sem endranær. Myndbandið hans Skorrdals er gott ekki síst klippingin, nei Fatou það gerði ég svo sannarlega ekki